#Киңәш сандыгы 24 июнь 2019, 07:02

Яшел тәмләткечләрнең үзләрен генә ашау зыянлы?!

24 июнь 2019, 07:02

Яшел суган микробларга каршы көрәшә, С витамины буенча әфлисунны да уздырып җибәрә. Аңарда чәч, тырнакларны ныгыта торган цинк күп. Әмма аны ашказаны кислоталылыгы югары булганнарга сак ашарга кирәк.

Скопировать ссылку

Кузгалак В төркеме витаминнарына һәм кальцийга бай. Әмма аны подагра (тоз утыру авыруы), бөерләрдә таш булганда, ашказаны һәм эчәклек авырулары вакытында ашарга ярамый.

Салат яфраклары бала көтә торган ханымнар өчен файдалы. Аңарда фолий кислотасы, магний, тимер, кальций күп. Фолий кислотасы матдәләр алмашын тизләтә, ябыгырга теләсәгез, салат яфракларын күбрәк ашагыз. Аны шулай ук подагра, бөерләрендә таш булганнарга, ашказаны авыртканнарга күп ашау тыела.

Әлеге яшел тәмләткечләрдә кислота күп, организмыгызга зыян салырга теләмәсәгез, аны кыяр, помидор кебек яшелчәләр белән ашарга кирәк. Үзләрен генә күп итеп ашарга ярамый.
Суган, кузгалак, салат яфракларын пешергәндә, кыздырганда, файдасы кими, минераллары югала, алай гына да түгел, органик формадан органик булмаганга күчеп, сидек юлларында таш барлыкка китерергә мөмкиннәр.

Кызыклы яңалыкларны күзәтеп бару өчен безнең МАХ каналына кушылыгыз.