#Кыскача яңалыклар 19 июля 2023, 14:56

1 миллион сум грант алачак студентлар билгеле

19 июля 2023, 14:56

«Студентлар стартапы» конкурсының III чираты җиңүчеләре билгеләнде. 1235 студент үз бизнес-идеяләрен үстерүгә 1 млн сум грант алачак.

Скопировать ссылку

Җиңүчеләрнең күпчелеге – 481 проект, цифрлы технологияләр белән бәйле. Һәр бишенче прокт креатив индустриягә карый, ә 175 проект авторы яңа приборлар һәм интеллектуаль җитештерү технологияләре өлкәсендә үз идеяләрен үстерәчәк. Якынча бертигез сандагы проектлар медицина технологияләре һәм биотехнологияләргә багышланган. Яңа материаллар һәм химик технологияләр юнәлешләре буенча, шулай ук ресурссаклагыч энергетикада 105 бизнес-тәкъдим җиңгән.

Конкурсның III дулкынында 68 төбәктән 236 техник һәм гуманитар юнәлешле югары уку йорты җиңүгә ирешкән. Иң яхшы проектлар саны буенча Мәскәү, Татарстан Республикасы, Санкт-Петербург алда бара. Төбәк-лидерлар унлыгына шулай ук Башкортостан Республикасы, Ростов, Томск, Новосибирск һәм Пенза өлкәләре, Ставрополь һәм Краснодар крае кергән.

Җиңүчеләр исемлеген әлеге сылтама буенча карый аласыз.

Кызыклы яңалыкларны күзәтеп бару өчен Вконтактега кушылыгыз.