17 ел Татарстанның хәрби комиссары булып эшләгән Сергей Погодин үз вазифасыннан китте

Татарстан Республикасы Хөкүмәте Йортында узган шимбә киңәшмәсендә Рөстәм Миңнеханов аны «Дуслык» ордены белән бүләкләде.

Сергей Погодин 1956 елның 22 мартында Хабаровск шәһәрендә туган. Киев югары гомуми гаскәр команда училищесын тәмамлый. 1977-1982 елларда Германиядә совет гаскәрләре төркемендә мотоукчылар взводы командиры, мотоукчылар ротасы командиры вазифаларында хәрби хезмәт үтә.

1982-1984 елларда Сергей Погодин штаб начальнигы, Киев хәрби округында мотоукчы батальон командиры урынбасары, 1987 елда Фрунзе һәм гомуми гаскәр армиясенең ныгытылган районының танк ут нокталарының аерым батальоны командиры булып эшли.

Шулай ук Сергей Погодин Төньяк Кавказдагы контртеррористик операциядә катнаша. «Хәрби казанышлары өчен» ордены, Почет ордены, II дәрәҗә «Ватан алдындагы казанышлары өчен» ордены медале, «Татарстан Республикасы алдындагы казанышлары өчен» ордены медале, «Фидакарь хезмәт өчен» ТР медале, шулай ук ведомство медальләре белән бүләкләнгән.