#Кыскача яңалыклар 03 марта 2018, 10:52 Уку өчен 2 минут

9 кеше гомерен өзгән юл һәлакәтенең төп сәбәбе билгеле булган

03 марта 2018, 10:52

Уку өчен 2 минут

“Урал” М-5 юлында тугыз кешенең гомере өзелгән юл-транспорт һәлакәте юл чистартылмау нәтиҗәсендә килеп чыккан. Бу хакта “Татар-информ” “Башинформ”га сылтама белән хәбәр итә.

Скопировать ссылку

9 кеше гомерен өзгән юл һәлакәтенең төп сәбәбе билгеле булган

Республиканың тикшерү комитеты матбугат хезмәтеннән агентлыккаа хәбәр итүләренчә, “MAN” йөк машинасын йөртүче бозлавык булу сәбәпле, идарәне югалтып, каршы як полосадан килүче “Мерседес-Бенц” микроавтобусына килеп бәрелгән.

“Автомобиль юллары тиешенчә чистартылмау, бозлавыкка каршы чаралар белән эшкәртелмәгән булу сәбәпле, йөк машинасының каршы як юлдан килүче пассажир микроавтобусы белән бәрелешүе килеп чыккан”, - дип аңлаткан тикшерүчеләр.

Искәртеп узыйк, микроавтобусның сигез пассажиры һәм йөртүчесе һәлакәт урынында ук үлгән, дүртесе төрле җәрәхәтләр белән хастаханәдә дәвалана. Тагын бер җинаять эше "Хезмәт күрсәтүдә гражданнар тормышы куркынычсызлык кагыйдәләрен бозу аркасында ике яки аннан күбрәк кеше үлеменә китерү” маддәсе нигезендә кузгаткан.

Йөк машинасын йөртүче сак астында. Тикшерүчеләр Башкортстанның Иглин районы Олы Теләк авылы янындагы федераль юлга хезмәт күрсәтүче оешма хезмәткәрләреннән сорау алган.