Автобус пассажирына битлексез барганы өчен штраф салынган

Казанның Яңа Савин районында битлек режимын үтәмәүчеләрне ачыклау буенча рейд узды. Беренче автобуста ук полиция хезмәткәрләре куркынычсызлык кагыйдәләрен үтәмәүче кызны күреп ала.

Кыз үзенең хастаханәдән кайтуын һәм битлеген шунда онытылып калдыруын аңлата. Тукталышта кызга карата беркетмә төзиләр. Хәзер ул бер мең сумнан 30 мең сумга кадәр штраф түләргә мәҗбүр.

Бер сәгать эчендә полиция хезмәткәрләре битлексез барган өч пассажирны терки һәм тагын алты пассажир белән профилактик әңгәмә үткәрә.