#Кыскача яңалыклар 18 ноября 2022, 20:30 Уку өчен 2 минут

Авыл яшьләрен укыталар (+фото)

18 ноября 2022, 20:30

Уку өчен 2 минут

Әтнә районында авыл яшьләре өчен өч көнлек уку форумы башланды бүген. "Мин, син эшмәкәр" дип аталган өйрәнү һәм укыту форумы Әтнә һәм Балтач районы белән берлектә үткәрелә.

Скопировать ссылку

Бу мәйданчык яшь эшмәкәрләр һәм үз эшен ачырга теләүчеләр өчен зур мөмкинлек булып тора. Бизнес лидерлар белән тәжрибә уртаклашу һәм тере аралашу өчен уникаль мәйданчык та ул. Идарә итү, маркетинг, сату , вакытны дөрес файдалану, шәхси бренд һәм мотивация буенча әйдәп баручы белгечләр уңышлы алымнарны кулланырга өйрәтәләр. Болар бүгенге яшьләр өчен һәр эштә кирәк булачак.

Укыту форумының максатлары шактый зурдан. Өч көн эчендә авыл яшьләренә файдалы белемнәр бирелер дип ышанып калабыз. Авыл жирендә яшәп тә үз хыялларыңны чынга ашыру мөмкин. Форум кысаларында 60 яшь кешегә бизнес һәм идарәчелек буенча беренчел белемнәр биреләчәк.