Бала бармаксыз кала язган. Мәктәпне ни көтә?

Әлеге хәл бер атна элек 57нче мәктәп территориясендә булган. 8 яшьлек малай баскетбол мәйданындагы коймага менеп, чыгып торган чыбыкка эләгеп эленеп калган. Нәтиҗәдә бала кул җәрәхәте белән хастаханәгә илтелгән, аңа ашыгыч рәвештә операция ясаганнар.

Прокуратура тикшерүеннән соң, мәктәпнең спорт мәйданын тиешле дәрәҗәдә карамавы ачыкланган. Мәктәп җитәкчелегенә спорт мәйданын төзекләндерү һәм вазыйфаи затларны җаваплылыкка тарту йөкләнелде.