#Кыскача яңалыклар 01 июня 2018, 13:50

Бала пособиесе арта?!

01 июня 2018, 13:50

Россиядә ел ахырына яшь ярымнан алып өч яшькәчә кадәрге балаларга каралган түләүләрне арттырмакчы булалар. Бу хакта, Россиянең социаль яклау министры Максим Топилинга сылтама ясап, «Известия» хәбәр итә.

Скопировать ссылку

Хәзерге вакытта аның суммасы аена 50 сумны тәшкил итә. Күпмегә артачагы әлегә билгесез.
– Безгә 50 сум пособиенең күләмен тикшерергә дигән күрсәтмә бар. Хәтерләсәгез, Дәүләт Думасында чыгыш ясаган вакытта Дмитрий Медведев бу пособиегә аерым тукталган иде. Ел ахырына кадәр без бу күрсәтмәне тормышка ашырырга тиеш, – дигән Максим Топилин.
Белгечләр фикеренчә, әлеге түләүләр аена ким дигәндә 10 мең сумны тәшкил итәргә тиеш, ләкин икътисадчылар уйлавынча, эш бирүчеләр мондый чыгымнарны капларлык дәрәҗәдә түгел.
Исегезгә төшерәбез: эш бирүче түли торган әлеге түләү суммасының инде 20 ел үзгәргәне юк. Шул ук вакытта әни кеше, баласына өч яшь тулганчы тулы эш көненә эшкә чыкса, 50 сумны алу хокукын да югалта.