#Кыскача яңалыклар 31 июля 2018, 14:38

БДИ нәтиҗәләре куандыра: баллар арткан

31 июля 2018, 14:38

Казанда Бердәм дәүләт имтиханының төп периоды төгәлләнде һәм апелляция карау вакыты чыкты. Имтихан нәтиҗәләре буенча, 14 фәннең сигезеннән укучылар узган елга караганда зуррак күрсәткечләргә ирешкән. Шул исәптән мәҗбүри фәннәр буенча уртача баллар да арткан.

Скопировать ссылку

Рус теленнән – 2,5 баллга, математикадан 1,7 баллга артык булган.

Гомумән алганда, мәҗбүри фәннәрдән Казан укучыларының уртача баллары Россия буенча уртача баллардан югарырак. Имтиханнарны бирә алмаучылар да кимегән. Математикадан сынау узмаучылар 3 проценттан 1,1гә кадәр кимегән, ә рус теленнән имтиханны ике кеше генә тапшыра алмаган.

Быел Казан укучылары мәҗбүри фәннәрне генә уңышлы биреп калмыйча, физика, химия, биология, җәмгыять белеме, инглиз һәм немец телләрен дә яхшы тапшырган.
Быел иң күп балл җыючылар да күбрәк. 100 баллны 89 чыгарылыш укучысы җыйган. 131нче лицей укытучылары – йөзешәр балл алучы – 10, КФУның IT-лицее – 7, КФУның лицее һәм 122нче гимназия укытучылары 5әр укучыны әзерләгән.

Быел имтихан вакытында яңа төрле технологияләр кулланылган. Алар нәтиҗәле эшләгән. Бердәм дәүләт имтиханы бирә торган 25 пунктта да Рособрнадзор вәкилләре, җәмәгать күзәтчеләре, Татарстан һәм күрше-тирә төбәкләрдәге югары уку йортлары студентлары булган. Һәр имтиханда да бер пунктта федераль инспектор эшләгән. Барлык имтиханнар да федераль порталда онлайн режимда трансляцияләнгән.

Кызыклы яңалыкларны күзәтеп бару өчен Вконтактега кушылыгыз.

#БДИ #ЕГЭ