Әбиләр чуагы кайчан башланачак?

Мәскәүдә һәм Үзәк Россиянең башка төбәкләрендә әбиләр чуагы әле булмаган. Бу хакта "Фобос" һава торышы үзәгенең баш белгече белдерде.

Аның сүзләренә караганда, 11-13 сентябрьдә кайбер төбәкләрдә һава температурасы 20 градустан артып киткән, әмма мондый һава торышын әбиләр чуагы дип санарга ярамый.
«Әбиләр чуагы - ул биш-җиде тәүлек дәвамында тотрыклы һава торышы торган чор дигән билгеләмә бар. Бу вакытта кояш яктырта, бернинди явым-төшем һәм болыт булырга тиеш түгел", - дип белдерде Тишковец.

Ул фаразлаганча, әбиләр чуагы Үзәк Россиядә айның икенче яртысында - 17 яки 18 сентябрьдән соң башланырга мөмкин. Синоптик билгеләп үткәнчә, быел октябрьгә кадәр дәвам итәчәк "әбиләр чуагы" булмаячак - инде сентябрьдән үк салкынайтачак.