#Кыскача яңалыклар 12 сентябрь 2019, 10:23

Блогер Гүзәл Шәрәфетдинова бәби тапкан вакытта 80нән артык ВИДЕО төшергән

12 сентябрь 2019, 10:23

Уфада яшәүче популяр блогер Гүзәл Шәрәфетдинова бәби табу процессынннан instagramда видеотрансляцияләр алып барган. Бу хакта «Башинформ» хәбәр итә.

Скопировать ссылку

Тулгак вакытында Гүзәл сиксәннән артык видеоролик төшергән. Аның 100 меңнән артык язылучысы бәби табу процессының бөтен нечкәлекләре турында белә алган аның видеоларыннан. Яшь әни берәр блогерның бала тапканда үз кичерешләре турында сөйләгәнен күрергә хыялланган. Шул максаттан ул әлеге видеоларын төшергән һәм алар бәби табар алдыннан хатын-кызларга рухи көч тупларга ярдәм итәр, дип уйлый. Гүзәл бәбине ире белән бергә тапкан, ул аның һәрвакыт янында булган. Ә аларның мәхәббәт җимеше - кызлары 9 сентябрь көнне туган.

Кызыклы яңалыкларны күзәтеп бару өчен безнең МАХ каналына кушылыгыз.