«Шул кадәр планнар булганда, кайгырып утырырга вакыт юк», – ди ул.
Көчле рухлы блогер Рөстәм Нәбиевнең тормышын күзәтеп барырга күнеккәнбез. Армиядагы фаҗигале вакыйгалар аркасында ике аягын да югалткан ирнең тормыш авырлыкларына бирешми, алга баруы бик күпләрне канатландыра шул.
Бүген Рөстәм күңелсез яңалыгы белән уртаклашты. Хәбәр итүенчә, аның бу атнага планнары бик зур булган, эш буенча Мәскәүгә, Казанга барырга җыенган. Шулай ук бер каналның хәбәрчеләре килеп аннан интервью алу планлаштырылган. Шимбә көнне УЗИга барган һәм анда иргә күңелсез яңалык әйткәннәр. Аның организмында ташлар тапканнар, ул простата бизендә тыгылып калган. Аны хастаханагә салганнар, тиздән операция ясаячаклар.
Социаль челтәрдә язылучылары аңа сәламәтлек һәм тизрәк савыгуын тели. Һәр чак оптимист булган Рөстәм бу хәлдә дә боегып калмаган. "Шул кадәр планнар булганда, кайгырып утырырга вакыт юк", – ди ул. Шулай ук Рөстәм һәр кемгә вакытында үз саулыгын кайгыртуны сорый.
Комментарийлар