#Кыскача яңалыклар 25 август 2022, 13:50

Чаң сугарлык саннар: 2,5 меңгә якын яшүсмер полициядә исәптә тора

25 август 2022, 13:50

Татарстанда 2,5 меңгә якын яшүсмер һәм биш меңгә якын ата-ана хокук саклау органнарында исәптә тора. Әлеге мәгълүматларны ТР буенча Эчке эшләр министрлыгының участок уполномоченныйлары һәм балигъ булмаганнар эшләре буенча бүлекчәләрнең эшчәнлеген оештыру идарәсе башлыгы урынбасары Лариса Осипова китерде.

Скопировать ссылку

Шунысы да бар: яшүсмерләр тарафыннан хокук бозуларның күпчелеге төнге вакытта була икән. Шуңа да Татарстанда төнлә кылынган җинаятьләр саны артып киткән. Аеруча бу – Казан, Яр Чаллы шәһәрләренә хас күренеш.

Төнлә бала йә җинаять объекты була, йә инде үзе хокук бозуга кереп китә. Балигъ булмаганнар кыш көне – 22.00дән, ә җәен 23.00дән соң урамда караучысыз йөрергә тиеш түгел. Бу канун тарафыннан тыелган.

Тик балалар үзләре дә, ата-аналарның кайберләре дә моңа бармак аша карый.

— Шул сәбәпле, ике меңгә якын административ беркетмә төзелгән. Безнең эш нәтиҗәсендә кайбер җинаятьләр булдырылмады, дисәк тә була, – ди Лариса Осипова.

Кызыклы яңалыкларны күзәтеп бару өчен Т елеграмга кушылыгыз.