Черек күл картасын күрмәүчеләр өчен җайлаштырганнар

Сукырлар һәм күзләре начар күрүчеләр китапханәсе хезмәткәрләре паркның рельеф-график схемасын бастырган. Ул гади карта гына түгел, кечкенә белешмәлек тә. Анда тарихи фактлар да, паркны сурәтләп язган язулар да бар. "Казан Кремле" метро станциясеннән паркка бару схемасы да бирелгән. Брошюра "Татарстан - бармак очларында" проекты нигезендә эшләнгән.