“Чиста сайлаулар өчен” корпусы сайлауларның үтәкүренмәлелеге өчен җавап бирә

"Чиста сайлаулар өчен" күзәтүчеләр корпусы иҗтимагый хәрәкәте җитәкчесе Денис Паньшин сүзләренчә, күзәтүчеләр корпусы Татарстанда сайлау процессының үтәкүренмәлелеге өчен җавап бирә. Оешмада йөздән артык күзәтүче бар. Нигездә, алар Казан, Чаллы, Түбән Кама, Әлмәт кебек эре шәһәрләрдә эшли. Максатлары - сайлаулар буенча бәйсез күзәтү, закон бозулар булдырмау. Күзәтер өчен яшь юристлар, КФУ ның югары курс студентлары җәлеп ителгән. "Чиста сайлаулар өчен" корпусы 2010 елда Россия юристлар Ассоциациясының яшь юристлар координацион советы инициативасы белән оешкан.