Эстраданың популяр җырчылары мактаулы исемгә лаек булды 

Татар эстрадасының популяр җырчылары Иркә һәм Эльмира Сөләймановага "Татарстанның атказанган артисты" исеме бирелде.

Әлеге Дәүләт бүләген кызларга "Пирамида" концертлар залында узган "Җанлы концерт"та Татарстанның мәдәният министры Ирада Әюпова тапшырды. 

Иркә дә, Эльмира Сөләйманова да шатлыкларын яшермәделәр. Алар республика җитәкчелегенә, әти-әниләре, гаиләләренә, Барс Медиа компаниясенә һәм, әлбәттә, тамашачыларына рәхмәтләрен юллады.     

Фото "Татар-информ", Салават Камалетдинов