Кайсы очракта мобилизацияләнгән кешене хезмәттән вакытыннан алда азат итәргә мөмкиннәр?

Дәүләт Думасында күп балалы мобилизацияләнгәннәргә вакытыннан алда эштән китү хокукы бирергә тәкъдим иттеләр. Бу хакта РБК басмасы хәбәр итә. 

Хәрби хезмәткә чакырылганнан соң 1 ел дәвамында «күп балалы гаилә» статусы бирелгән мобилизацияләнгән гражданнарны хезмәттән вакытыннан алда азат итү хокукы турында закон проекты тәкъдим иттеләр. Инициативаның авторлары булып Дәүләт Думасының гаиләне яклау, әтилек, ана һәм балачак мәсьәләләре комитеты башлыгы Нина Останина (КПРФ) һәм сенатор Айрат Гибатдинов чыгыш ясый.

Аңлатма язуында әйтелгәнчә, гамәлдәге кануннар күп балалы гаиләләрне яклауның кайбер хокукый ысулларын күздә тота, әмма алар хәрби хезмәттән азат итү өчен нигез буларак шундый ук мөмкинлекне исәпкә алмыйча, чакырудан кичектерү кысаларында гына гамәлгә ашырыла.

Канун проекты кабул ителгән очракта, өлешчә мобилизация игълан ителгәнче ике һәм аннан да күбрәк баланың законлы вәкилләре булган һәм өлешчә мобилизация игълан ителгәннән соң бер ел эчендә күп балалы гаилә статусын алган, шуңа күрә кичектерү хокукын гамәлгә ашыра алмаган кешеләрдә генә эштән азат итү өчен нигез булачак.

Россиядә өч һәм аннан да күбрәк балалы гаилә күп балалы гаилә булып тора. Илдә 16 яшькә кадәрге өч баланың әтиләре өчен өлешчә мобилизация буенча чакырудан кичектерү турында директива гамәлдә кала.

2023 елның мартында Генераль штабның баш оештыру-мобилизация идарәсе начальнигы Евгений Бурдинский директиваның тәкъдим итү характерында булуын, әмма күрсәтмәләр гамәлдә булуын хәбәр итә.