#Кыскача яңалыклар 16 сентябрь 2019, 08:46

Камал театры бер кичтә 3 спектакль күрсәтәчәк

16 сентябрь 2019, 08:46

Камал театры ай саен сишәмбе кичендә пролог һәм эпилог өлешләре булган ике антрактлы өч спектакль күрсәтәчәк. 22 һәм 29 октябрьдә 17.00дән 24.00гә кадәр Камал театры яшьләр мәйданына әверелә. Бу турыда театрның матбугат хезмәте хәбәр итте.

Скопировать ссылку

Камал театры бер кичтә 3 спектакль күрсәтәчәк

"Мондый хәлнең әле булганы юк. Өч текст. Өч яшь язучы. Ике дебютант. Берсе - инде тамашачыларга таныш. Аның пьесасы буенча куелган спектакль ярты дөньяны әйләнде. Өч яшь режиссер. Берсе тәҗрибә туплаган. Икесе һөнәрендә тәүге адым ясый. Өч спектакльнең эпик премьерасы. Тыелган темалар. Кискен иҗтимагый диалоглар. Бәхәсләшү һәм уйлану, мактау һәм тәнкыйтьләү мөмкинлеге", диелә хәбәрдә.

Антрактларда милли аш-су үрнәкләре, дизайн-маркет, музыка һәм биюләр, шигырьләр һәм әңгәмәләр була.

"Камал Театры тарихының яңа битләрен ача. Безнең театр яшьләрне һәрвакыт шатланып каршы алды. Тик бу бөтенләй башка гадәттән тыш вакыйга", дип ышандара оештыручылар.

1968 елда бунтарь яшьләр Авиньон фестивален басып алалар. Жан-Луи Барроны куып чыгаралар, Жан Виларны йөрәк өянәге тотуга җиткерәләр, Морис Бежарның спектаклен өзәләр. Без ишекләребезне үзебез ачабыз, дип чакыра театр.

Татар-информ

Кызыклы яңалыкларны күзәтеп бару өчен безнең МАХ каналына кушылыгыз.