Казанда ике полиция бүлегенә яңа җитәкче билгеләделәр

Бу хакта Россия Эчке эшләр министрлыгының Казан буенча идарәсе матбугат хезмәте хәбәр итте. Яңа башлыкларны ведомство җитәкчесе Александр Мищихин тәкъдим итте.

"Вишневский" ОП башлыгы вазифасына полиция подполковнигы Вячеслав Кочетовны билгеләделәр. Моңа кадәр ул "Юдино" ОП җитәкчесе иде, бирегә хәзер шулай ук полиция подполковнигы Артем Семенюкны билгеләделәр, ул моңа кадәр Россия Эчке эшләр министрлыгының Казан буенча идарәсе җинаять эзләү бүлеген җитәкләгән иде. Үзенең хезмәт эшчәнлеген ул 2007 елда, Казанның Вахитов эчке эшләр бүлеге каршындагы тикшерү идарәсенең тикшерүчесе булып башлый. 2009 елдан "Дәрвишләр" полиция бүлегенең җинаятьләрне эзләү бүлеге башлыгы урынбасары буларак эшли, оператив-эзләү эше белән шөгыльләнгән. Александр Мищихин шәхси составка яңа җитәкчене тәкъдим итеп, Артем Семенюк хокук саклау органнарында инде 18 елдан артык эшли, бу аңа яңа вазыйфаны башкарырга ярдәм итәчәк, дип билгеләде.