Казанда роллердром ачыла

1 майдан Казанда озынлыгы 3 километр булган роллердром эшли башлаячак. Ул Халыкара ат спорты комплексы базасына урнашкан. Килүчеләргә прокатка роликлар да тәкъдим ителә. Узышу сукмагы әйләнәсендә урнашкан трассада рампа, батут һәм актив ял итү өчен башка төрле спорт җайланмалары урнаштырылачак. Оештыручылар килгән кунакларны лазер (лазертаг) уенында да катнашырга чакыра. Җәй көне казанлыларга һәм башкала кунакларына ипподром буенча экскурсия һәм атларга утырып йөрергә тәкъдим итәргә җыеналар.

^{Фото: photokzn.ru}