Хезмәт хакы түләнмәгән очракта... акча алырга мөмкин!

Документның тиешле проекты норматив хокукый актлар проектлары порталында куелган. Бу хакта "Риа Новости" хәбәр итә. 

"Хәзер эш бирүче хезмәт хакы исәпләнгән, әмма вакытында түләнмәгән очракта гына компенсация түләргә тиеш. Әгәр эш бирүче законсыз рәвештә хезмәт хакын бирмәсә, акча түләү тоткарлану сәбәпле, хезмәткәр компенсация дә ала алмый. Мондый очракта хезмәткәр компенсация ала алсын өчен, Россия Федерациясе Хезмәт Кодексының 236 маддәменә төзәтмәләр кертергә тәкъдим ителә", - диелә хәбәрдә.

Мәсәлән, әгәр хезмәткәр суд карары буенча эшкә кайтарылган булса, эш бирүче әлеге хезмәткәргә хезмәт хакы буенча бурычны гына түли, ә бу акчаларны тоткарлаган өчен компенсацияне эш бирүче түләми, чөнки хезмәт хакы исәпләнмәгән. Төзәтмәләр кабул ителгән очракта, эш бирүче процентларны хезмәткәр акча алырга тиеш булган вакыттан башлап  түләячәк, дип аңлата матбугат хезмәте.