"Кыш Бабай киемендәге полиция” акциясе гыйнвар уртасына кадәр дәвам итә

Әлеге хәйрия акциясе инде ун елдан артык үткәрелә. 2011 елдан башлап бу чара Россия күләмендәге акциягә әверелде.

Полиция хезмәткәрләре үз акчаларына тормыш юлында аерым кыенлыклар кичерүче балаларга яңа ел бүләкләре әзерлиләр, дип хәбәр итә kzn.ru.

Акция 15нче гыйнварга кадәр дәвам итә. Балаларга ярдәм итәргә теләүчеләр якын-тирәдә урнашкан полиция бүлекләрендәге балигъ булмаганнар эшләре бүлекчәләре белән элемтәгә керә ала яки (843) 291-38-25, 291-34-14 телефон номерлары аша Татарстан Республикасы буенча Эчке эшләр министрлыгы матбугат хезмәтенә шалтыратырга мөмкин.