Ноябрьдә өстәмә ял көннәре көтә

3 һәм 5 ноябрьдә исә, бәйрәм алды көннәре булганлыктан, эш сәгатьләре бер сәгатькә кими.

Россия Федерациясе Хезмәт кодексының 112 маддәсе нигезендә, 4-нче ноябрь - Халыклар бердәмлеге көне. Шулай ук Татарстан Республикасының "Татарстан Республикасында бәйрәм көннәре һәм истәлекле даталар турында"гы Законы нигезендә, 6-нчы ноябрь - Татарстан Республикасы Конституциясе көне. Әлеге көн шулай ук эшләми торган бәйрәм көне булып санала, дип искә төшерә ТР Хезмәт, халыкны эш белән тәэмин итү һәм социаль яклау министрлыгының матбугат хезмәте.