Өч машина катнашындагы авария: машина йөртүче хатын-кыз хастаханәгә озатылган

Каратун бистәсеннән ерак түгел өч машина: «Газель», «Лада Приора» һәм «Лада Калина» бәрелешкән. Бәрелүдән соң «Приора» юл кырыена төшеп киткән, йөртүчесе автомобиль салонында кысылып калган. Хатын-кызны кабинадан алу өчен коткаручыларга махсус металл кискеч кулланырга туры килгән. Шуннан соң зыян күрүчене хастаханәгә озатканнар. Хатын-кызның хәле шактый авыр дип бәяләнә.

 Юл-транспорт һәлакәтенең сәбәпләре һәм шартлары ачыклана.