Путинның "двойнигы" бар дигән сүзләр чынлыкта дөреслеккә туры киләме?

Владимир Путинның “двойник"лары юк һәм булмаган да. Мондый мәсьәлә килеп тугач та, ул дублерлардан баш тарткан. Бу хакта ил башлыгы ТАССка биргән “Владимир Путинга 20 сорау” проекты кысаларындагы әңгәмәсендә әйткән.

“Сез чынмы?”, - дип сораган аңардан журналист Андрей Ванденко.

Дәүләт башлыгы аңа “Әйе” дип җавап кайтарган. Гәрчә, мондый сорау бик авыр вакытларда, бигрәк тә 2000 еллар башында, террорчылык белән көрәшкәндә килеп туган иде, дип тә белдергән Владимир Путин. Әмма ул дублердан баш тарткан.