Ринат Фазылов: “Бу хәбәрне көткән идек”

Владимир Путинга киләсе сайлауларда Россия Президентлыгына үз кандидатурасын куярга  Донецк Халык Республикасы парламенты спикеры Артем Жога тәкъдим итте.
Әлеге яңалыкка карата Бөтенроссия халык фронтының Татарстан Республикасындагы төбәк башкарма комитеты җитәкчесе Ринат Фазыловтан фикерен белештек.
- Бу хәбәрне бөтен халык көтте. Владимир Путин командасы әгъзасы дип саныйм үземне. Владимир Путин – дөньядагы иң көчле әйдаманнарның берсе. Халык аңа ышана, аны яклый. Владимир Путин 1990 еллардагы кризистан соң илнең сәнәгатен, авыл хуҗалыгын тернәкләндерүгә зур тырышлык куйды. Россиянең алга баруы, җиңүләре һәм үзенең суверенлыгын саклап калуы өчен нәкъ тә, халык ышанган Владимир Путин кирәк.