Россиялеләргә ковидтан котылу өчен «20 секунд кагыйдә»сен куллану кирәклеге аңлатылды

Россиядә коронавирус белән авыру күрсәткече кискен арткан. Аерым алганда, бу кешеләрнең маска киюдән баш тартуы белән бәйле, дип саный иммунолог-аллерголог Владимир Болибок. Белгеч профилактика чараларын санга сукмаска киңәш итә һәм вирустан саклану өчен"20 секунд кагыйдәсе"н истә тотарга киңәш итә.

Эш шунда ки, күптән түгел Япония галимнәре масканың нәтиҗәле булуын һәм ковид инфекциясе дозасын сизелерлек киметүен исбатлаган тикшеренү үткәргәннәр. Димәк, кеше вирус йоктырса да, авыруны җиңел кичерәчәк.

"Бу тикшеренү нәтиҗәләре буенча хәтта "20 секунд кагыйдәсе" турында да искәртелде. Әгәр сез йөткерүче, төчкерүче кеше янында булсагыз, сезгә сулышыгызны тоткарларга, 20 секунд эчендә аннан ераккарак китәргә кирәк. Шулай иткәндә, чир сезгә йокмаячак", — дип билгеләп үтте Болибок 360 телеканалына биргән әңгәмәсендә.