#Кыскача яңалыклар 27 сентябрь 2018, 10:50

«Сбербанк»тан 220 мең сум акча урлаган кешенең кем булуы ачыкланган

27 сентябрь 2018, 10:50

Дүрт ай дәвамында банк бүлегендә эшләүче хатын-кыз банкомат кассеталарындагы купюраларны алып барган. Бу хакта "Татар-информ" хәбәр итә.

Скопировать ссылку

Казанда кассир үзе эшләгән банктан 220 мең сум акча урлаган. Акчаларны ул банкомат кассеталарыннан алып барган. Бу хакта Казан буенча Эчке эшләр министрлыгы идарәсенең матбугат хезмәте хәбәр итә.

Банкның куркынычсызлык хезмәткәрләре полициягә мөрәҗәгать иткән. Алар ревизия вакытында зур суммада акча җитмәүне ачыклануы турында сөйләгәннәр.

Әлеге факт буенча “Урлау” маддәсе нигезендә җинаять эше ачылган.

Тикшерү барышында хокук сакчылары урлауга банктагы бер кассирның катнашы барлыгын ачыклаганнар. Апрель аеннан июль аена кадәр 28 яшьлек хатын-кыз банкомат кассеталарыннан купюралар урлаган.

Хатын үз гаебен тулысынча таныган.

Кызыклы яңалыкларны күзәтеп бару өчен безнең МАХ каналына кушылыгыз.