#Кыскача яңалыклар 25 июль 2017, 11:06

Татарстан табиблары бот сөягенә уникаль операция ясаган

25 июль 2017, 11:06

Республика клиник хастаханәсе травматолог-ортопедлары Arthrex (АКШ, Германия) компаниясе белән берлектә Россиядә беренче тапкыр бот сөяген тернәкләндерү буенча сирәк очрый торган операция үткәргән.

Скопировать ссылку

Бу хакта "Татар-информ" агентлыгына Республика клиник хастаханәсе матбугат сәркатибе Гүзәлия Хәнипова җиткергән.

Операция - бот сөяге трохлеопластикасы, башка сүзләр белән әйткәндә, бот сөяген нормаль анатомиягә адаптацияләү. Андый операция кичә, 24 июльдә, үткәрелгән. Операция ясалган пациентка әлеге авыруы белән тумыштан интеккән. Ул клиникага мөрәҗәгать иткәч, аңа элекеге стабильләштерү реконструкциясенең нәтиҗә бирмәячәге ачыкланган һәм табиблар әлеге уникаль операция үткәрүгә алынган.