#Кыскача яңалыклар 23 гыйнвар 2016, 12:37

Татарстанда 13 мең кеше машина йөртү таныклыгыннан мәхрүм калырга мөмкин

23 гыйнвар 2016, 12:37

Быелдан кергән яңа законнар нигезендә, юлда йөрү буенча штрафлары булганнарны машина йөртү таныклыгыннан мәхрүм итү дигән кагыйдә дә каралган иде.

Скопировать ссылку

Закон үз көченә кергәннән бирле, Россиядә инде шактый кешене таныклыксыз калдырганнар. Татарстанда исә бу категориягә 13 мең кеше керә икән. Әлеге "кара" исемлеккә эләгү өчен юлда йөрү кагыйдәләрен бозган өчен салынган штрафларның 10 меңгә җыелуы да җитә. Бурычлыларга "бәхет хатлары" килә башлаган инде. ЮХИДИ хезмәткәрләре аңлатуынча, ун мең штраф җыелган кешене таныклыктан мәхрүм итәр алдыннан, аның бу хакта хәбәрдар булуы шарт. Шуңа да өйгә аңлату хатлары җибәрелә. Штрафы булган кеше бурычларын түләп, квитанцияне ЮХИДИга алып килеп күрсәтергә тиеш.

Кызыклы яңалыкларны күзәтеп бару өчен Т елеграмга кушылыгыз.