#Кыскача яңалыклар 06 июня 2016, 07:32

Татарстанда 3 олы кешене һәм 1 баланы үтереп, йортка ут төртүче гаебен тулысынча таныган

06 июня 2016, 07:32

Чистайда 23 яшьлек ир кеше ике хатын-кызны, бер ир-атны һәм 4 яшьлек бер баланы үтерүен таныган. Бу хакта Татарстанның тикшерү комитеты хәбәр итә.

Скопировать ссылку

Егетнең сөйләвенчә, үткән җомгада аны бер танышы бергә яшәгән хатын-кызның өенә кунакка чакыра, анда шулай ук баласы белән дус кызы да килгән була. Табын яныңда утырганда кунаклар узара сүзгә киләләр.

Башта балалы ханым кызы белән, ә бераздан йорт хуҗасы булган хатын-кыз да бергә яшәгән ир-ат белән йокларга ята. Барысы да йокыга талгач, җинаятьче башта бала белән яткан хатынның, аннаң соң икенче хатын-кызның бугазын кисә, ир-атның муенына һәм күкрәк читлегенә пычак белән кадый. Сабый уянып, әнисен чакыра башлагач, ир кеше баланы да кызганып тормый, пычак белән кадап, гомерен өзә.
Ахырдан, өйгә ут төртеп, үтерүче җинаять эзен юмакчы була.

Гаебен тулысынча таныган, наркологта исәптә торучы ир-ат моңа кадәр берничә тапкыр җинаять җаваплылыгына тартылган булган инде.