#Кыскача яңалыклар 12 июля 2016, 13:44

Татарстанда тиңе булмаган ял урыны ачыла (ФОТО)

12 июля 2016, 13:44

Иртәгә, 13 июльдә, Әлмәт шәһәр күлендә яңартылган пляж ачыла.

Скопировать ссылку

Татарстанда тиңе булмаган ял урыны ачыла (ФОТО)

Иртәгә, 13 июльдә, Әлмәт шәһәр күлендә яңартылган пляж ачыла.

Тантаналы чара 13:30 сәгатьтә башлана. Татарстан Парклары дирекциясендә әйтүләренчә, пляж республикада тиңе булмаган үзгә ял зонасы булачак. Пляж биләмәсендә яңа объект һәм ял зоналары барлыкка килгән. Әйтик, вейк-парк, су чаңгысында шөгыльләнү өчен ике трасса, гаилә белән актив рәвештә ял итү өчен махсус зоналар - скалодром, спорт тренажерлары, волейбол мәйданчыгы...
Моннан тыш биредә ачык һавада бассейны, саунасы, балалар су мәйданчыгы булган спрей-парк та пәйда булган. Пляж ак ком белән түшәлгән.

Шунысы игътибарга лаек: ял итәргә керү бушлай. Шулай да аерым зоналар түләүле һәм түләүсезгә бүленә.