9-10 февральдә бәлки быелгы кышның соңгы чатнама да суыклары да булыр.
Татарстан синоптиклары янә көчле суыклар турында искәртә. Киләсе атнада һава температурасы -32 градуска кадәр төшәчәк, диләр алар.
6 февральдә, шимбә көнне Татарстанда юеш кар көтелә. Шуның белән бергә, буран һәм көчле җил булуы да искәртелә. Һава температурасы -8, -13 градус булыр дип көтелә, аязганда тагын да суыграк булырга мөмкин. Ә менә 8 февральдә инде -20, -25 градус салкыннар булыр дип фаразлый синоптиклар. Түбәнлекләрдә -29 градус булырга да мөмкин. Шул ук вакытта кар да көтелә. 9-10 февральдә бәлки быелгы кышның соңгы чатнама да суыклары да булыр. Синоптиклар хәбәр иткәнчә, төннәрен -32 градуска кадәр суытырга мөмкин. Көндезләрен исә -19, -24 градус көтелә.
Комментарийлар