#Кыскача яңалыклар 06 ноябрь 2019, 09:00

Мәктәп укучысының 29 яшьлек имамга кияүгә чыгуы Татарстанда шау-шу тудырды

06 ноябрь 2019, 09:00

Татарстанның Чирмешән районында гауга чыкты. Балиг булмаган кызны әти-әнисе 29 яшлек имамга кияүгә биргәннәр.

Скопировать ссылку

Хокук саклау органнары моны җинаять дип таныган. Никахны ир кеше үзе укыган булган. Югары сыйныфта укучы кәләш сүзләренә караганда, аларның әле зөфаф киче булмаган, алар аның балиг булганны көткәннәр.

Хәзер 29 яшьлек 16 яше тулмаган кыз белән җенси мөнәсәбәтләргә кергән өчен гаепләнә. Әгәр ир гаепле дип танылса, ул 4 елга ирегеннән мәхрүм ителергә мөмкин.

Соңрак, гаепләнүче Рәсүл Салиховның имам булмавы да ачыкланган, шуннан соң аның никах укуы да шик тудырган. Хәзер әлеге факт буенча тикшерү эшләре бара.

Кызыклы яңалыкларны күзәтеп бару өчен безнең МАХ каналына кушылыгыз.