16+
#Кыскача яңалыклар 10 май 2017, 06:15
1675
0
0

Тукай клубында шагыйрә Сания Әхмәтҗанованың иҗат кичәсе узачак

10 май 2017, 06:15
1675
0
0

15 майда Татарстан Язучылар берлегенең Габдулла Тукай исемендәге клубында шагыйрә, популяр җырлар авторы, журналист, «Татар-информ» мәгълүмат агентлыгы редакторы Сания Әхмәтҗанованың 55 яшьлегенә багышланган «Җан сулышым» дип аталган иҗат кичәсе була.

Скопировать ссылку
Тукай клубында шагыйрә Сания Әхмәтҗанованың иҗат кичәсе узачак

15 майда Татарстан Язучылар берлегенең Габдулла Тукай исемендәге клубында шагыйрә, популяр җырлар авторы, журналист, «Татар-информ» мәгълүмат агентлыгы редакторы Сания Әхмәтҗанованың 55 яшьлегенә багышланган «Җан сулышым» дип аталган иҗат кичәсе була.

Әдәби-музыкаль кичәдә Сания Әхмәтҗанованың лиро-эпик циклларыннан өзекләр, шигырьләре, җырлары яңгыраячак. Шигырьләрне Г.Камал театры артистлары, автор үзе, яшь шагыйрьләр укыячак, С.Әхмәтҗанова сүзләренә язылган җырларны Зөһрә Шәрифуллина, Рөстәм Закиров, Асаф Вәлиев, Резеда Шәрәфиева, Сәгыйть Гыйбашев, Алинә Сафиуллина башкара.

Сания Әхмәтҗанова эстрада җырын сөючеләргә иҗатының башлангыч чорында «Пар алма», «Кура җиләк», «Әниемнең туган көне» һәм башка дистәләгән популяр җырлары аша танылды. Заманында аның Сәгыйть Гыйбашев башкарган «Син сөюдән чибәр» дигән җырына иң беренчеләрдән булып профессиональ клип төшерелде, һәм яшь җырчы шуның аша танылу алды. Бүген исә Рөстәм Закировның Сания Әхмәтҗанова сүзләренә Илфат Дәүләтшин көй язган «Өч Пошалым - өч игезәк» хиты җырчының «Пошалым чаналары» фестиваленең үзенчәлекле гимнына әверелде.
Кичәдә авторның соңгы елларда иҗат иткән, милләт гаме белән сугарылган лиро-эпик циклларыннан өзекләр дә яңгыраячак.
Әдәби-музыкаль кичә 17.00 сәгатьтә башлана. Керү ирекле.

Кызыклы яңалыкларны күзәтеп бару өчен безнең МАХ каналына кушылыгыз. 

Вход на сайт

Восстановить пароль Зарегистрироваться

Язмага реакция белдерегез

0

0

0

0

0

Реакция язылган инде

Комментарийлар

Теркәлергә

Мөһим

loading

Безнең Вконтакте төркеменә языл!

Подписаться