#Кыскача яңалыклар 08 августа 2015, 14:27

Венгрия премьер-министры: “Казан мине таң калдырды”

08 августа 2015, 14:27

Татарстан Президенты вазифаларын вакытлыча башкаручы Рөстәм Миңнеханов кичә Казан Кремлендә Венгрия премьер-министры Виктор Орбан белән очрашты.

Скопировать ссылку

- Мин ярышларны телевизордан карадым, бар да матур күренә. Бу җитди чара, оештыру эшләре хатасыз башкарылган, котлыйм. Шәһәрнең һәр адымдагы үсеше мине таң калдырды, - диде Орбан.

Рөстәм Миңнеханов сүзләренчә, Венгрия белән Татарстан ике арадагы икътисади мөмкинлектән тулысынча файдаланмыйлар.

- Без Венгрия белән товар әйләнешен арттыру яклы, - диде Татарстан лидеры. - Венгрия компанияләре, Россия базарына чыгу өчен, Татарстанны икътисади мәйдан итеп куллансалар, бик шат булыр идек, иң отышлы шартлар да тәкъдим итәргә әзербез.

Иртәгә, 9 августта Виктор Орбан Казанда уза торган Спортның су төрләре буенча дөнья чемпионатының ябылу тантанасында катнашачак. 2017 елда Венгрия башкаласы - Будапешт киләсе чемпионатны үзендә кабул итәчәк.

Кызыклы яңалыкларны күзәтеп бару өчен Телеграм-каналга кушылыгыз.