#Кыскача яңалыклар 16 сентября 2018, 12:12

Зәңгәр күлне чүптән арындырдылар

16 сентября 2018, 12:12

Казанда 300гә якын кеше Зәңгәр күл буен чүп-чардан арындырды. Табигатьне саклау чарасы Гомумроссия Халык фронты активистлары үткәрә торган «Илне генераль җыештыру» Бөтенроссия акциясе кысаларында оештырылды.

Скопировать ссылку

«Зәңгәр күл – Казанның энҗесе ул. Без ел саен бирегә киләбез һәм чүп-чарның елдан-ел кимүенә игътибар итәбез. Бүген акциядә 300гә якын кеше катнашты», - диде «Чиста булачак» яшьләр экология хәрәкәте җитәкчесе Диләрә Сатикова.

Акциядә катнашучылар чүп-чарны аерым җыюга зур игътибар бирде: аның бер өлеше икенчел чимал буларак файдаланылса, икенче өлеше утильләштереләчәк.

Чүп-чарны коры җирдән генә түгел, судан да җыйдылар. Рус география җәмгыяте ТР буенча бүлегенең су асты отряды аквалангчылары суга чумып, су төбеннән пыяла шешәләр, пакетлар һ.б. төрле чүп-чар алып чыкты.

«Без Татарстан сулыкларының экологиясендә уңай тенденцияне күзәтәбез. Моннан алдагы елларда чүпнең күләме тонналап исәпләнә иде. Кешеләр хәзер сулыкларның чисталыгына карата күпкә сакчылрак мөнәсәбәттә», - дип искәртте Рус география җәмгыяте Бөтенроссия иҗтимагый оешмасының ТР буенча төбәк бүлеге башлыгы урынбасары Андрей Огарков.

Чыганак – “Татар информ”

Фото - eco.tatarstan.ru

Кызыклы яңалыкларны күзәтеп бару өчен Вконтактега кушылыгыз.

#зәңгәр күл