«Аҗаган» хәрби-патриотик уены 81 мең катнашучыны җыячак

Бу сезон яңалыклары арасында катнашучыларның яңа яшь категориясе барлыкка килү. Хәзер уенда көллият студентлары да көч сынаша алачак. Шулай ук уенның Бердәм оештыру комитеты төзелгән. 

“Аҗаган 2.0" - цифрлы технологияләр кулланыла торган, масштаблы бөтенроссия уены. Бу “Алдынгылар хәрәкәте”нең флагман проекты. Уен барышында катнашучылар яңа технологияләрне үзләштерәләр, ориентлашу, беренче медицина ярдәме күрсәтү күнекмәләрен арттыралар, үз илләренең тарихы турындагы белемнәрен киңәйтәләр. Иң кечкенәләрне спорт уеннары һәм викториналар көтә, ә өлкәннәрне — урында мавыктыргыч тактик уен, экстремаль шартларда яшәргә өйрәтү һәм башкалар. 

Уенда 7 яшьтән алып 17 яшькә кадәрге мәктәп укучылары, шулай ук Россиянең барлык төбәкләреннән 18 яшьтән алып 21 яшькә кадәрге колледж һәм техникум укучылары катнаша ала. Быел анда Татарстанның 82 меңгә якын яшүсмере катнашыр дип планлаштырыла.

Уенда барлыгы дүрт яшь категориясе булачак: 
● 7-10 яшь 
● 11-13 яшь 
● 14-17 яшь 
● 18-21 ел (көллият һәм техникум укучылары) 

2025 елда "Аҗаган 2.0" берничә этапта узачак: 
● мәктәп этабы (сайлап алу) 
● муниципаль этап 
● зона этабы 
● төбәк этабы 
● округ этабы
● федераль этап 

Мәктәп этабына гариза бирү кампаниясе 2 февральдә старт алды. Проектта катнашу өчен заявканы уенның рәсми сайтында Аҗаган.будьвдвижении.рф тутырырга кирәк. Һәр командада 10 катнашучы булырга тиеш, бер белем бирү оешмасыннан командаларның саны чикләнмәгән.