#Кыскача яңалыклар 02 апрель 2024, 13:34

Айдар Метшин дроннар һөҗүме турында: Төп максат – бердәмлекне какшату

02 апрель 2024, 13:34

Татарстаннан Дәүләт Думасы депутаты Айдар Метшин фикеренчә, Татарстан предприятиеләренә һөҗүмнәрнең максаты – ил гражданнарының бердәмлеген һәм оешканлыгын какшату. Бу хакта ул үзенең Телеграм-каналында язган.

Скопировать ссылку

«Бүген без Алабуга һәм Түбән Кама предприятиеләренә пилотсыз очу аппаратларының моңарчы күрелмәгән һөҗүме шаһиты булдык. Җитди җимерелүләр юк, оешмаларның технология процессы бозылмаган, әмма Алабугада зыян күрүчеләр бар, аларга кирәкле медицина ярдәме күрсәтелә. Бу һөҗүмнәрнең максаты Россиянең икътисади куәтен какшату гына түгел. Барыбыз да аңлыйбыз, төп максат – илебез гражданнарының бердәмлеген һәм оешканлыгын юкка чыгару», – дигән депутат.

Айдар Метшин Татарстан халкын бары тик рәсми чыганакларга гына ышанырга һәм паникага бирелмәскә чакыра.

"Татар Информ"

Кызыклы яңалыкларны күзәтеп бару өчен безнең МАХ каналына кушылыгыз.