#Кыскача яңалыклар 06 июнь 2019, 08:50

Бердыев «Рубин»нан китә

06 июнь 2019, 08:50

«Рубин»ны 2001-2013 елларда җитәкләп, 2002 елда аны премьер-лигага чыгарган, икенче сезонда Россия чемпионатының бронзасына ия булган, 2008 елда клуб тарихында беренче тапкыр ил чемпионы титулын яулаган, тагын бер елдан шул ук уңышны кабатлаган өлкән тренер Корбан Бердыев Казан клубына икенче тапкыр 2017 елда килгән иде.

Скопировать ссылку

Аның җитәкчелегендә «Рубин» футбол командасы әле тагын Россия Кубогын һәм ике тапкыр супер Кубокны яулады, Чемпионнар лигасының төркем турнирында чыгыш ясады, Европа лигасының чирекфиналына хәтле барып иреште.

Узган сезонда «Рубин» ил чемпионатында 11нче урынны гына алды. Клубның җитәкчелеге белән очрашудан соң Корбан Бердыев Казан «Рубин»ыннан китүе турында хәбәр иткән. Җанатарлар, әлеге останың клуб үсешенә зур өлеш кертүен билгеләп, «Барысы өчен дә рәхмәт, Тренер!» дип язып куйган.

Кызыклы яңалыкларны күзәтеп бару өчен Т елеграмга кушылыгыз.