Декретта булган яки инвалидлык алган табибларны эшкә җәлеп итү өчен яңа мөмкинлек

Мондый мөрәҗәгать белән алар Россия сәламәтлек саклау министры Михаил Мурашкога мөрәҗәгать иткән. Бу хакта "Коммерсанть" яза.

Ассоциация вәкилләре фикеренчә, бу, мәсәлән, декретта булган яки инвалидлык алган табибларны эшкә җәлеп итәргә мөмкинлек бирәчәк. Сәламәтлек саклау министрлыгы мәгълүматлары буенча, илдә 29 мең табиб һәм 63 мең урта звено медицина хезмәткәре җитми.

Телемедицина өлкәсендә гамәлдәге кануннар табибларга дәвалау учреждениеләреннән тыш консультацияләр алып баруны тыя. "Гражданнарның сәламәтлеген саклау нигезләре турында"гы закон буенча онлайн-консультацияләр пациентка табиб янына шәхсән килүе кирәкме-юкмы икәне турында карар кабул итү өчен рөхсәт ителгән.

Шулай ук табиб элек билгеләнгән дәвалауга дистанцион рәвештә төзәтмәләр кертергә мөмкин. Диагноз кую һәм дәвалау билгеләү турыдан-туры медицина оешмасына мөрәҗәгать иткәндә генә рөхсәт ителә.