Гөлназ Миньязова: "Ясалган һәм төзәтелгән хаталар бар да үзебезнеке..."

"Ике көн буе нәрсә языйм икән дип уйлап йөрдем. Чөнки без үтелгән юллар, ясалган/төзәтелгән хаталар бар да үзебезнеке. Бер-беребезгә нинди теләк теләгәнне, максат, уйларны беләбез. Ә шулай да... Мин сиңа чын күңелдән тормышны яратып алга таба да яшьләрчә, егетләрчә яшәвеңне телим. Әле бит иң кызыгы алда! Балалар үсеп җитеп утыра, аларның урнашканын, тормышларын коруларын бергәләп күзәтәсе, кирәк чакта иңебезне куясы бар. 

Алга таба бар да туры гына булыр дип тә әйтеп булмый. Тормыш ул кызык бер уен. Борылышлары була. Шул борылышларда чанадан шуып төшеп карга мәтәлгәч көлгән сыман, артык бәргәләнмичә, көч табып, алга таба яшәргә язсын! Кайчандыр 20 яшьтә синең белән танышканда, эчке дөньяңны тулыландырган шәп 10 сыйфатың мине җәлеп иткән булса, бүген дә шулар өчен, үтелгән юллар, еллар өчен рәхмәт әйтеп туган көнеңдә сиңа шундый яратам сине, дим!" - дип язган Гөлназ.

Без дә Илнурны чын күңелдән котлыйбыз, сәламәтлек, гаилә бәхете һәм уңышлар телибез!