Илкүләм проектларны гамәлгә ашыру – яшәү сыйфатын яхшырту дигән сүз

Татарстан Республикасы 49 федераль проектны тормышка ашыруда катнаша. Шундый мөһим чараларның берсе төзелеш өлкәсенә барып тоташа. Татарстанда 2011 елдан башлап, 2 млн 400 мең кв.м торак төзелгән. Статистика буенча, безнең республика Идел буе федераль округында гына түгел, бәлки ил күләмендә дә лидерларның берсе булып санала. Узган ел 2 409,9 мең кв.м торак тапшырылган. Бу исә төзелеш оешмаларын заказлар белән тәэмин итүдә дә мөһим роль уйный.

Татарстан Республикасы Төзелеш, архитектура һәм торак-коммуналь хуҗалык министрлыгыннан алынган мәгълүматларга караганда, «Торак һәм шәһәр мохите» илкүләм проектын гамәлгә ашыру ниятеннән, быел 2 425,0  мең кв.м., 2020 елда – 2 450,0 мең кв.м., 2021 елда – 2 475,0 мең кв.м., 2022 елда – 3161,0 мең кв.м., 2023 елда – 3404,0 мең кв.м., 2024 елда – 3 648,0 мең кв.м. торак төзеп тапшырылырга тиеш. Күрәбез, план буенча төзелеш эшләре ел саен арта гына барачак. Бу исә халыкны торак белән тәэмин итүдәге проблемаларны чишү мөмкинлеге бирәчәк.