Казанда исерек машина йөртүчеләр турында хәбәр иткән гражданнарны бүләкләргә тәкъдим иттеләр

Бүген шәһәр Башкарма комитетында юл хәрәкәте куркынычсызлыгы комиссиясе утырышы булган, анда катнашучылар 2024 елга йомгак ясаганнар һәм аварияләрне киметү чаралары турында фикер алышканнар.

"Казан дәрәҗәсендә бонус системасы кирәк. Беренчеләрдән булып моны Ямал-Ненец автоном округында эшли башладылар, хәзер Түбән Новгород өлкәсендә бүләкләү төре турындагы мәсьәләне эшлиләр. Ягъни машина йөртүчеләр турында хәбәр итүче гражданнар бонусларны акчалата тәэмин итү яки театрга билетлар рәвешендә алачак", - дип сөйләгән Савин.

Исерек машина йөртүчеләр гаебе белән 2024 елда шәһәрдә 40 авария булган, өч кеше һәлак булган, ә 74е җәрәхәтләр алган. Дәүләт автоинспекциясенең Казан буенча бүлеге хезмәткәрләре исерек хәлдә автомобиль белән идарә итүче затларга карата 2 750 административ материал төзегән, шуларның 290ы — кабат хокук бозу фактлары буенча.

Исерек хәлдә машина йөртү фактлары турында үз вакытында хәбәр итеп,бәхетсезлек очракларын булдырмый калган кеше хокук сакчыларына ярдәм итә, дип хәбәр итә мэриянең матбугат хезмәте.

Казан Дәүләт автоинспекциясе мәгълүматларына караганда, 2024 елда шәһәр юлларында юл-транспорт һәлакәтендә 38 кеше, шул исәптән ике бала һәлак булган.