#Кыскача яңалыклар 10 апрель 2020, 10:59

Казанга Кытайдан 5,8 млн битлек һәм аларны җитештерә торган алты җиһаз кайтарылды

10 апрель 2020, 10:59

Шул рәвешле хакимият республикада битлекләр дефицитын бетергә ниятли.

Скопировать ссылку

Шул рәвешле хакимият республикада битлекләр дефицитын бетергә ниятли.

Дөньяда иң зур “Руслан” йөк ташый торган очкыч Казанга 5,8 млн битлек һәм аларны җитештерү өчен 6 җиһаз кайтарды.

Борт бүген иртән “Казан” халыкара аэропортына килеп җитте. Битлекләрне ТР Президенты Рөстәм Миңнеханов йөкләмәсе буенча, “Татнефть” компаниясе кайтарткан. Битлекләр дәвалану учреждениеләренә һәм сәнәгать оешмаларына юлланылачак.

Моннан тыш, борт коронавирус белән авыртучыларны күчереп йөртергә мөмкинлек бирә торган изоляцияле бокслар һәм битлекләр ясаганда файдаланыла торган 6 җиһазлар линиясе алып кайткан. Алар Казан һәм Түбән Камада урнаштырылачак. Мондый җиһазлар аена 15 млн битлек ясарга мөмкинлек бирә. Шул рәвешле хакимият республикада битлекләр дефицитын бетергә ниятли.

Кызыклы яңалыкларны күзәтеп бару өчен Т елеграмга кушылыгыз.