Россия гражданины паспортында нинди ике мәҗбүри билге булырга тиеш?

РФ гражданины паспортын алыштырганда яки биргәндә мәҗбүри тамга булып яшәү урыны буенча теркәлү яки исәптән төшерү, шулай ук хәрби бурыч турында белешмәләр тора, дип хәбәр итә Россия Эчке эшләр Министрлыгының Миграция мәсьәләләре буенча Баш идарәсе матбугат хезмәте.

"Россия Федерациясе территориясендә РФ гражданины шәхесен таныклаучы Россия Федерациясе гражданины паспортын биргәндә яки алыштырганда рәсмиләштерелгән документта мәҗбүри һәм мәҗбүри булмаган тамгалар куела", - диелә хәбәрдә.

Матбугат хезмәтендә билгеләп үткәнчә, теләк буенча паспортка Балалар турында, никахны теркәү һәм өзү турында, элек бирелгән паспортлар турында, РФ гражданинының шәхесен таныклаучы документлар турында белешмәләр кертелергә мөмкин.

Моннан тыш, паспортка башка оешмалар һәм органнар куя торган мәҗбүри булмаган тамгалар: салым түләүченең идентификация номеры һәм кан төркеме кертелергә мөмкин.

Ведомствода гражданнар тарафыннан паспортка язулар, тамгалар һәм белешмәләрне мөстәкыйль рәвештә кертү ярамый һәм аның гамәлдә булмавына китерә, дип өстәделәр.