Татарстан Рәисе Волгоград өлкәсе губернаторы белән телефон аша сөйләшкән

Рөстәм Миңнеханов кушуы буенча республика Хөкүмәте Волгоград өлкәсендәге коллегалары белән Казан - Адлер поезды рельсларыннан төшү нәтиҗәсендә зыян күргән татарстанлылар саны турында тулы мәгълүматларны билгеләү өлешендә актив хезмәттәшлек итә.

Авария булган урында оператив штаб төзелгән. Республика хакимияте барлык ведомстволар белән актив хезмәттәшлек итә.

«Татарстан Рәисе Рөстәм Миңнеханов мәгълүматны оператив рәвештә ала һәм мәсьәләне шәхси контролендә тота",-дип белдерделәр республика җитәкчесе матбугат хезмәтендә.

Горький тимер юлының соңгы мәгълүматлары буенча, барлыгы 16 кеше хастаханәгә озатылган, шуларның 13е өлкән яшьтәге пассажирлар, 1 бала һәм 2 озатучы.