Җәвит Шакиров: "Синең белән без күргәнне башка кеше күрмәсен..."

"Бүген безне тәрбияләп үстергән әниебезнең туган көне. Аллага шөкер 86 яшен тутырса да, hаман да хәрәкәттә. Өебезнең утын сүндермичә безне тәмле ризыклар пешереп көтеп торган өчен зур рәхмәт аңа. Мондый матур туган көннәрне озак еллар күрергә язсын, Әнкәй. Сәләмәт бул! Оныкларың, киленнәрең, оныкчыкларың, улларың, кызларың барсы да котлауларга кушыла", - дип язган Җәвит абый. Һәм әнисенә багышлап үзе язган шигырь белән дә уртаклашкан.

Шушы көнгә кадәр яшәдең,
Бирешмичә җилгә, давылга.
Әнкәй, моннан соң да язсын,
Көчле, матур булып калырга.

Синең белән без күргәнне,
Берүк башка кеше күрмәсен.
Хәбәр килсә, яхшылары килсен,
Яманнары берүк килмәсен.

Күрсәк иде әле озак еллар,
Әнкәй синең туган көнеңне.
Чир-сырхаулардан Ходаем,
Саклый күрсен иде үзеңне.

Бик сагындык, Әнкәй, тизрәк,
Күрәсебез килә үзеңне.
Күчтәнәчләр төяп машинага,
Кайтыр юлга чыктык, көт безне! 24.10.22.

Котлауларга без дә кушылабыз, саулык-сәламәтлек, озын гомер, иминлек телибез!