Хезмәткәрләрнең «перекур»лары аркасында бизнес ел саен 443 млрд. сум югалта

Хезмәткәрләрнең тәмәке тартулары бизнеска елына 443 млрд. сумга төшә, дип белдергән Сәламәтлек саклау министрлыгы башлыгы Михаил Мурашко. 
Министр эш бирүчеләрне хезмәткәрләрнең сәламәтлек саклау программаларына инвестицияләргә өнди. Мондый кертемнәр табыш күләмен күп тапкырлар арттыра, дип саный ул.

-    Сәламәтлек саклауга юнәлдерелгән корпоратив программаларга салынган бер сум тугыз булып кире кайта. Мондый программалар хезмәткәрләрнең хәлен яхшыртып кына калмый, ә аларның продуктивлыгын да арттыра, коллективтагы мохитне яхшырта һәм компаниянең лояльлеген ныгыта, - дип билгели Михаил Мурашко. 

Сәламәтлек саклау министрлыгы мәгълүматлары буенча, хроник авырулар, эшкә яраклы яшьтәге затларның иртә үлүе аркасында, эчке тулаем продуктның 4 процентын «йота».