#Кыскача яңалыклар 21 август 2026, 10:09

1 сентябрьдән диспансерлаштыруны исәпкә алу картасын алып бару тәртибе үзгәрә

21 август 2026, 10:09

Россия Сәламәтлек саклау министрлыгы 1 сентябрьдән диспансерлаштыруны исәпкә алу картасын алып бару тәртибенә үзгәрешләр кертә. Тиешле боерык хокукый актларны рәсми бастырып чыгару сайтында урнаштырылган.

Скопировать ссылку

Диспансерлаштыру вакытында холестерин күрсәткечләре киңәйтелә

Яңа тәртип буенча, липид профилен бәяләгәндә табиблар югары, түбән һәм бик түбән тыгызлыктагы липопротеиннар — ЛПВП, ЛПНП һәм ЛПОНП холестерин концентрациясен билгеләячәк. Шулай ук кандагы триглицеридлар дәрәҗәсе дә исәпкә алыначак.

Йөрәкнең ишемия авыруы ихтималы бәяләнәчәк

Диспансерлаштыру кысаларында табиблар йөрәкнең ишемия авыруының тест алды ихтималын да исәпли башлаячак. Бу күрсәткеч пациентта йөрәк-кан тамырлары авырулары куркынычын алдан бәяләү өчен кулланыла.

Медицина картасында яңа мәгълүматлар күрсәтеләчәк

Диспансерлаштыруның икенче этабын узганнан соң пациентның медицина картасында дерматовенеролог тикшерүе нәтиҗәләре дә чагылдырылачак. Моннан тыш, корсак аортасын ультратавышлы тикшерү нәтиҗәләре турында мәгълүмат та картага кертеләчәк. Яңа тәртип 1 сентябрьдән үз көченә керә.

Кызыклы яңалыкларны күзәтеп бару өчен безнең МАХ каналына кушылыгыз.